ጣሊያን እንግሊዝን በማሸነፍ የአውሮፓ ዋንጫ አሸናፊ ሆነች

ዛሬ ምሽት በተከናወነው የአውሮፓ ዋንጫ የፍፃሜ ጨዋታ ጣሊያን እንግሊዝን በመለያ ምት በማሸነፍ ሻምፒዮን መሆን ችላለች::

ለንደን በሚገኘው ግዙፉ የዌምብሌይ ስታዲየም በተደረገው የፍፃሜ  ጨዋታ የጣሊያን ብሄራዊ ቡድን በመለያ ምት ነው  3ለ2 ያሸነፈው::

የሁለቱ ቡድኖች መደበኛ የጨዋታ ክፍለ ጊዜ  አንድ  እኩል የተጠናቀቀ ሲሆን ለእንግሊዝ ሉክ ሾው እንዲሁም ለጣሊያን ሊዮናርዶ ቦኑቺ አስቆጥረዋል::

ሉክ ሾው ገና ጨዋታው እንደተጀመረ ሁለተኛው ደቂቃ ላይ ለእንግሊዝ  ያስቆጠራት ጎል በአውሮፖ ዋንጫ  ታሪክ ፈጣኗ ጎል በመባል ተመዝግባለች::

በውድድሩ ባሳየችው ድንቅ የጨዋታ አቀራረብ የዘንድሮውን ውድድር የማሸነፍ ቅድመ ግምት አግኝታ የነበረችው ጣሊያን የአውሮፓ ዋንጫን በታሪኳ ለሁለተኛ ጊዜ ማሳካት ችላለች::

ጣሊያን በዚህ ውድድር ለመጀመሪያ  ጊዜ ዋንጫ ያሸነፈችው እአአ በ1968 ነበር::

በሜዳው የተጫወተው የእንግሊዝ ብሄራዊ  ቡድን  ለአውሮፓ ዋንጫ ሲደርስ ይህ የመጀመሪያው ሲሆን    በ60ሺህ ደጋፊ ፊት  ተጫውቶ ዋንጫ  ማሸነፍ ሳይችል ቀርቷል::

እንግሊዝ እአአ 1966 ካሸነፈችው የአለም ዋንጫ ውጪ   ምንም ውድድር ላይ ሳይሳካላት 55 አመታት መቆጠራቸውን መረጃዎች ይጠቁማሉ::

የጣሊያ ብሄራዊ ቡድን ግብ ጠባቂ የሆነው ጂያን ሉጂ ዶናሩማ የውድድሩ ኮከብ ተጫዋች  ሲሆን ክሪስቲያኖ ሮናልዶ እና የቼክ ሪፕብሊኩ  አጥቂ ፓትሪክ ሺክ  ደግሞ ከፍተኛ ግብ አስቆጣሪነቱን ተጋርተዋል::